తప్పు జరిగింది.. సరిదిద్దుతాం


అల్లు అర్జున్‌, హరీష్‌ శంకర్‌ల కాంబినేషన్‌లో తెరకెక్కిన ‘డీజే’ చిత్రంలోని గుడిలో బడిలో.. పాటలోని కొన్ని పదాలపై బ్రహ్మణ సంఘాలు అభ్యంతరం వ్యక్తం చేశాయి. దాంతో స్వయంగా హరీష్‌ శంకర్‌ స్పందించి తనకు బ్రహ్మణులను అవమానించే ఉద్దేశ్యం లేదని, ఆ పదాలు ఇబ్బందిగా అనిపిస్తే తప్పకుండా తొలగిస్తామని ప్రకటించాడు. అయితే తాజాగా విడుదలైన ఆడియో సీడీల్లో సవరించకుండానే ఆ పాట ఉంది.

ఆడియో విడుదల తర్వాత మళ్లీ పాట వివాదం మొదటికి వచ్చింది. బ్రహ్మణ సంఘాలు మంత్రి తలసాని శ్రీనివాస్‌ యాదవ్‌కు ఫిర్యాదు చేయడం జరిగింది. దాంతో మరోసారి హరీష్‌ శంకర్‌ స్పందించాడు. తాము అన్నట్లుగానే పాటలోని ఆ పదాలను తొలగించడం జరిగింది. అయితే అప్పటికే తయారు అయిన ఆడియో సీడీలను ఏం చేయలేక పోయాం. రెండవ దఫా విడుదల కానున్న ఆడియో సీడీల్లో ఆ పదాలు ఉండవని హామీ ఇస్తున్నామన్నాడు. సినిమాలో కూడా ఆ పదాలు లేకుండానే పాట ఉంటుందని హామీ ఇచ్చాడు.

మొదట చెప్పినట్లుగానే ఆ పదాలు తొలగించలేక పోయాం. తప్పు జరిగింది, క్షమించండి అంటూ హరీష్‌ శంకర్‌ మీడియా ముందు బ్రహ్మణ సంఘాలకు విజ్ఞప్తి చేశాడు. ఈనెల 23న చిత్రాన్ని ప్రేక్షకుల ముందుకు తీసుకు రాబోతున్నారు. ఇప్పటికే సినిమాలో ఆ పదాలను తొలగించి, వేరే పదాలను రిప్లేస్‌ చేసినట్లుగా చెప్పుకొచ్చాడు. విడుదల తర్వాత ఈ సినిమా ఎంతటి వివాదాలకు కేంద్ర బింధువు అవుతుందని సినీ వర్గాల్లో చర్చించుకుంటున్నారు.

To Top

Send this to a friend