అప్పటిదాకా ఏటీఎంలు బంద్ అట..


నోట్ల రద్దు నాటి క్యూలు మళ్లీ రాబోతున్నాయా..? పరిస్థితులు చూస్తే అలానే కనపడతున్నాయి.. ప్రపంచవ్యాప్తంగా అన్ని సిస్టమ్స్ లపై దాడి చేస్తున్న హ్యాకర్లు ఇప్పుడు బ్యాంకులపైనా దాడి చేసేందుకే రెడీ అయ్యిందట.. అందుకే ఆర్బీఐ బ్యాంకులను అప్రమత్తం చేసింది. ఇక నుంచి ఏటీఎంలు కూడా బంద్ కానున్నాయి..

ప్రపంచాన్ని వణికిస్తున్న ‘వాన్నా క్రై వైరస్’ ను దృష్టిలో ఉంచుకుని విండోస్ అప్డేట్ వచ్చే వరకూ ఏటీఎం సెంటర్లను మూసేయాలని ఆర్బీఐ బ్యాంకులను ఆదేశించింది. కంప్యూటర్లోకి ర్యాన్సమ్ వైరస్ చొప్పించి డేటాను చోరి చేసి బిట్ కాయిన్ల రూపంలో డాలర్లను.. వాన్నా క్రై డిమాండ్ చేస్తున్న విషయం తెలిసిందే.
తాజాగా సోమవారం రెండో సారి వాన్నా క్రై హ్యాకింగ్కు పాల్పడతుందనే వార్తలతో ప్రపంచదేశాలు అప్రమత్తమవుతున్నాయి. వాన్నా క్రై బాధితుల్లో ఎక్కువ మంది వినియోగించేది విండోస్ ఆపరేటింగ్ సిస్టం. భారత్లో దాదాపు 90 శాతం మంది విండోస్ మీదే ఆధారపడుతున్నారు. మన దేశంలో ఉన్న 2.25 లక్షల ఏటీఎంలలో 60 శాతం విండోస్ ఆపరేటింగ్ సిస్టంతో నడిచేవే.

దీంతో రక్షణ చర్యలు చేపట్టిన ఆర్బీఐ సెక్యూరిటీ అప్డేట్ వచ్చే వరకూ ఏటీఎంలను తెరవొద్దని ఆదేశాలు జారీ చేసింది. వాన్నా క్రై లక్ష్యం ఏటీఎంల నుంచి ప్రజల డబ్బును దొంగిలించడం కాదని.. నెట్వర్క్ లో సమాచారాన్ని లాక్ చేసి డబ్బును డిమాండ్ చేస్తుందని ఓ బ్యాంకు అధికారి పేర్కొన్నారు.
ఒకవేళ వాన్నా క్రై ఏటీఎంల నెట్వర్క్ లను హ్యాక్ చేస్తే.. వినియోగదారులు ఎలాంటి లావాదేవీలు జరపలేరని వివరించారు. అయితే, ఇప్పటికే రెండు దక్షిణాది బ్యాంకుల కంప్యూటర్లు హ్యాకింగ్ కు గురయ్యాయనే పుకార్లు కూడా వస్తున్నాయి. ఆర్బీఐ దీని మీద ఇప్పటివరకూ ఎలాంటి ప్రకటన చేయలేదు.

To Top

Send this to a friend