రజినీకి షాక్‌..!

బాలి’ చిత్రం తర్వాత ‘2.0’ చిత్రంలో నటిస్తున్నాడు. ఆ సినిమాతో పాటు తాజాగా మరోసారి ‘కబాలి’ ఫేం రంజిత్‌ పా దర్శకత్వంలో ‘కాలా’ చిత్రాన్ని చేస్తున్నాడు. ఇటీవలే చిత్రీకరణ ప్రారంభం అయ్యింది. రజినీకాంత్‌ అల్లుడు ధనుష్‌ ఈ సినిమాను నిర్మిస్తున్నాడు. భారీ అంచనాల నడుమ తెరకెక్కుతున్న ఈ సినిమాపై మొదటి నుండి కూడా విమర్శలు పెద్ద ఎత్తున వస్తున్నాయి. మొదట ఈ సినిమా ఒక మాఫియా డాన్‌కు సంబంధించిన కథ అనే వార్తలు రావడంతో ఆ డాన్‌ కుటుంబ సభ్యుల నుండి హెచ్చరికలు వచ్చాయి. తాజాగా మరో వివాదంలో ఈ సినిమా చిక్కుకుంది.

రజినీకాంత్‌ ప్రస్తుతం నటిస్తున్న కథ నాది అంటూ రాజశేఖరన్‌ అనే రచయిత పోలీసులను ఆశ్రయించాడు. తాను ధనుష్‌ తండ్రి కస్తూరి రాజా వద్ద అసిస్టెంట్‌గా ఉన్న సమయంలో రజినీకాంత్‌తో ఒక సినిమా చేసేందుకు ‘కరికాలన్‌’ కథను సిద్దం చేశాను. ఆ టైటిల్‌ను ఛాంబర్‌లో రిజిస్ట్రర్‌ కూడా చేయించాను. అయితే ఇప్పుడు అదే కథతో ధనుష్‌ ‘కాలా’ సినిమాను నిర్మిస్తున్నాడు అంటూ వార్తలు వస్తున్నాయి. కేసు నమోదు చేసుకున్న పోలీసులు ప్రస్తుతం విచారణ మొదలు పెట్టారు.

రజినీకాంత్‌ ఏ సినిమా మొదలు పెట్టిన ఇలాంటి వివాదం ఏదో ఒకటి వస్తూనే ఉంది. తాజాగా మరో వివాదం చెలరేగడంతో సూపర్‌ స్టార్‌ ఫ్యాన్స్‌ ఆందోళన వ్యక్తం చేస్తున్నారు. వీటన్నింటిని పట్టించుకోకుండా రంజిత్‌ పా తన పని తాను చేసుకుంటూ వెళ్తున్నాడు.

To Top

Send this to a friend